In hierdie studie, wat in agt Australiese laerskole uitgevoer is, is leerders se wiskundevaardigheid voor en ná die gebruik van Matific tuis en in die klaskamer, getoets. Leerders het gemiddeld 34% beter in toetse gevaar. Onderwysers het getuig dat leerders meer betrokke was by probleemoplossing en `n beter begrip van wiskundige beginsels getoon het. Die uitkoms van die studie, is dat Matific konseptuele begrip verbeter en `n positiewe uitwerking op leerders se resultate het.

In ’n grootskaalse studie deur SEG Measurement, is byna 1 500 laerskoolleerders oor die verloop ’n akademiese jaar gemonitor. Die resultate was onbetwisbaar: leerders wat Matific gebruik het, het konsekwent beter gevaar as dié wat dit nie gebruik het nie. Hulle het vinniger gevorder, beter vaardighede ontwikkel en meer selfvertroue in wiskunde getoon.

Vir jonger leerders was die voordele selfs groter — dit het hulle ’n waardevolle voorsprong in die bemeestering van belangrike konsepte gegee. Die belangrikste bevinding was egter dat Matific ’n identiese impak op leerders met uiteenlopende agtergronde gehad het; ’n bewys dat Matific vir elke kind werk.

In Uruguay se nasionale High Touch High Tech (HTHT)-loodsprojek, het 'n onafhanklike studie waaraan meer as 2700 graad 5-leerders deelgeneem het, bevind dat leerders wat Matific gebruik baie beter in wiskunde vorder as leerders wat nie die program gebruik nie. Leerders wat Matific gebruik het, het veel meer as hul portuurgroep geleer — in slegs een skooljaar was dit die ekwivalent van verskeie maande se ekstra wiskunde-onderrig. Die leerders wat Matific die gereeldste gebruik het, se akademiese voorsprong was die grootste en hulle het dubbel so ver gevorder as leerders in tradisionele klaskamers.

Benewens beter toetsresultate, het leerders ook beter deursettingsvermoë, selfvertroue en onafhanklike leervaardighede ontwikkel. Onderwysers het gerapporteer dat leerders se aandag deur Matific geboei is en dat hulle houding teenoor wiskunde merkbaar verbeter het, wat die grondslag vir volgehoue sukses lê.

Voorskoolse Studie in die VAE (2024)
’n Studie wat onder voorskoolse leerders in die Al Dhafra-streek van die Verenigde Arabiese Emirate (VAE) van stapel gestuur is, het bevind dat alle leerders beduidende verbetering in fundamentele wiskundevaardighede getoon het nadat hulle Matific vir slegs vier weke gebruik het. Hierdie vaardighede het tel, eenvoudige optelling en aftrekking, vorms, patrone, meting en probleemoplossing ingesluit. Seuns en meisies het ewe veel by die program baat gevind en geen verskil in prestasie is op grond van geslag gevind nie. Die vordering was statisties beduidend en die program is selfs onder baie jong leerders doeltreffend bewys.

Volgens ’n studie wat by die plaaslike Brasiliaanse skool, Escola Municipal Professor Lázaro Sagrado (Colorado, Brasilië), uitgevoer is, het die insluiting van Matific by weeklikse wiskundelesse tot ’n drastiese afname in die druipsyfer gelei. Voor Matific het 31,8% van leerders in Graad 2 tot 5 wiskunde gedruip, of op grond van spesiale vergunning geslaag. Nadat Matific vir een jaar gebruik is, het daardie syfer tot 4% gedaal — ’n 87%-vermindering van leerders wat nie aan die vereiste standaard voldoen het nie.

In vergelyking met ander plaaslike skole wat nie Matific gebruik het nie, was die verbetering opmerklik: terwyl baie skole min verandering of selfs hoër druipsyfers getoon het, het die resultate van al die grade by die skool wat Matific gebruik het, verbeter.